1
Wangi, mun anjeun kuring. Naon nu bakal
dipilampah sajeroning ngambah lalakon?
Mending jadi Haydee, Ambu. Nyandingkeun
raja impian Count of Monte Cristo
Ah wangi, eta mah riwan
Hirupna katalian pangarang
2
Wangi, mun anjeun kuring. Naha rék hojah
nalukkeun buana panca tengah?
Ketak téh rék jadi Purbasari, murba napsu
dina ati nepi ka surti nastiti. Nyandingkeun
impian istri; Guru Minda ti Kahyangan nu
turun ti wiati
Ah Wangi, éta mah gundam
Hirupna katungkul prépantun
3
Mending jadi Wangi baé. Sab lain Kartini hiji
Ngawujudkeun gumiwang dina ati, tapi aya
dua Sartika nu ketakna ngendagkeun dunya!
Diedit deui, 22 Apil 2010
Posting Komentar